مجلة افراسيا - وبدأت الانتفاضة الثالثة .. إحنا التراب .. إحنا فلسطين - حسين جعفر

ابدأ كلامي من الدفة

غزة بتنده ع الضفة

ابنك وابني إللي اتوفى

وإحنا التراب/ إحنا فلسطين

فضك يا غالية من التانيين

دا خان/ ودا كداب زفة

***

ابدأ كلامي من المينا

يافا بتنده على سينا

أوعي لا غيرنا يقسينا

لو توّهونا رسينا

إحنا الولاد وانتي أم ياسين

فضك يا غالية من التانيين

دا خان/ ودا كداب زفة

***

ابدأ كلامي من القهرة

حلب بتنده ع البصرة

العزة ف إيدين الفقرا

أهل الشهيد وأهل الأسرى

وعرق ودم على الخدين

فضك يا غالية من التانيين

دا خان ودا كداب زفة